La fundaziun Capricorns ch’è la possessura da las immobiglias, ha investì 1,4 milliuns francs en la renovaziun. Quai era grazia ad agid finanzial da fundaziuns e dal chantun. La fundaziun Capricorn è naschida l'onn 2004 per promover il svilup en la Val Schons sco era per salvar l'hotel Capricorns che na rendeva betg.
Betg l'emprima renovaziun
Gia l’onn 2010 è il hotel Capricorns (cun restaurant e l’exposiziun da capricorns) vegnì sanà. Ils davos mais è lura vegnida sanada la chasa cunfinanta (Tgea Loringett).
En la chasa paterna dal scriptur da Vargistagn Steafan Loringett (1891-1970) èn vegnidas creadas uschia 20 plazzas da lavur per il secretariat dal parc natiral Beverin e per la filiala da la scola auta da tecnica ed economia turitgaisa e la Lia Rumantscha. Cun l’avertura dal sectur da wellness vegn ussa terminada l’ultima etappa da sanaziun en il Center da Capricorns.