Siglir tar il cuntegn
cuntegn

Grischun Central Vaz di gea a lescha da l’aua persa

Votantas e votants han acceptà la revisiun totala da la lescha davart il tractament da l’aua persa, quai cun 415 cunter 331 vuschs.

vopna da Vaz
Legenda: La vopna da Vaz RTR

Questa revisiun duai stgaffir las premissas per reglar las taxas da l’aua persa confurm a la lescha federala. Questas taxas vevan dà da discutar a Vaz. Possessurs da chasas vevan crititgà che quellas sajan memia autas. Suenter ina decisiun da la dretgira federala dastga la vischnanca metter a quint mo 70% da las taxas annualas. Quai vala fin che la vischnanca ha in regulativ da taxas tenor il principi dal chaschunader.

RR novitads 14:00