Il suveran da Vaz sustegna cun 66% (651 cunter 335 vuschs) da sanar e schlargiar la scola da Lai. Tenor Armin Margreth, commember da la suprastanza da Vaz, n'haja quai betg dà gronds discussiuns tar ils midaments previs en scola:
Ina buna scola è ina part impurtanta per in bun lieu da dimora dad ina famiglia giuvna.
audio
Armin Margreth, suprastant communal da Vaz, tar il GEA da la populaziun
ord Actualitad dals 19.05.2019.
laschar ir. Durada: 2 minutas 22 Secundas.Sanaziun e schlargiament cun in'aula
Tar la sanaziun datti dentant er anc in schlargiament che vegn a favur a societads, a l'economia ed al turissem:
Sper esser lieu dad emprender daventa la scola adina dapli er lieu da vita, dad inscunters e da la cultura.
Perquai aveva la suprastanza proponì da stgaffir nov spazi cun ina nov'aula, ina sala d'eveniments, per 250 persunas.
Quella dimensiun fetschia senn cun quai ch'i hajan lieu onn per onn radund 130 arranschaments en la scola da Lai, aveva la suprastanza punctuà gia avant las votaziuns.
Ina visualisaziun da las localitads novas para dad avair fatg gust al suveran da Vaz:
RR novitads 12:00+
