Vaz: Parlament approva preventiv cotschen

Il Cussegl communal da Vaz ha approvà per mauns da la radunanza communala il preventiv dal 2017. Quel prevesa investiziuns da passa diesch milliuns francs. Il surpli d'expensas munta a bun 240'000 francs.

Il Cussegl communal da Vaz ha approvà il preventiv dal 2017. Bild in Lightbox öffnen.

Legenda da maletgs: Il Cussegl communal da Vaz ha approvà il preventiv dal 2017. RTR, Federico Belotti

6,2 milliuns da las investiziuns da l'auter onn vegnan finanziads cun chapital ester. Per la fin dal 2017 ha la vischnanca da Vaz debits da 23,7 milliuns francs. Il pe da taglia duai restar sin 80% da la taglia chantunala simpla.

Nova lescha da pumpiers...

Plinavant ha il Cussegl communal approvà per mauns da l'urna la revisiun totala da la lescha da pumpiers, che resguarda il nov commando - oz cun las fracziuns da Lain, Muldain, Zorten, Lai e Valbella. Midadas en la lescha datti era tar la collavuraziun surcommunala cun Lantsch e Mut.

...e nova lescha da scola

Medemamain per mauns da l'urna è vegnì approvà il nov urden da scola. Quel definescha tranter auter pajas minimalas pli autas da la magistraglia, e reducescha il dumber minimal da scolars en la scola primara.

RR actualitad bunura 06:00