Siglir tar il cuntegn

Header

cuntegn

Grischun Central Vaz sbassa pe da taglia per 10%

La radunanza communala da Vaz ha decidì da sbassar il pe da taglia. Dad 80% vegn el sbassà sin 70% da la taglia chantunala simpla. Uschia l'Agentura da novitads rumantscha.

La vischnanca da Vaz saja ina da las pli bainstantas vischnancas dal Grischun. Il pe da taglia saja dapi 37 onns stà tar 80%. Plinavant rapporta l'Agentura da novitads rumantscha che la vischnanca haja investì ils ultims 10 onns radund 100 milliuns francs ord l'agen chapital. In'ulteriura raschun per sbassar il pe da taglia saja il bun quint current dals davos onns stada.

La proposta è vegnida dal cusseglier communal Romano Paterlini. Quai encunter la proposta dal cussegl e da la suprastanza communala che na vulevan betg midar il pe da taglia.

Plinavant ha il suveran approvà il preventiv per il 2018. Tar expensas da radund 50 milliuns prevesa il preventiv in surpli da prest 60'000 francs.

RR novitads 06:00

Artitgels legids il pli savens