- Il cussegl da scola da Vaz ha avant curt decidì, ch’uffants da famiglias che vivan a Lain, Muldain e Zorten, hajan la pussaivladad da visitar la scola a Lai. Quai perquai ch’i manchia ina surveglianza sur mezdi. Sco quai ch'il cusseglier communal Michele Vitali haja sentì, valiteschian abitantas ed abitants la scola da Lai so meglra che quella a Zorten. Vitali sa dumonda tranter auter, sch’i duvrass ina retschertga sche quels uffants da las fracziuns da Lai vulessan pli gugent ir a Lai a scola. Era sa dumonda el sch’i duvrass novas classas, sch’ils uffants giessan tuts a Lai a scola. Sco quai che Romano Paterlini, il parsura dal departament da scola ha ditg envers RTR, haja l'inspecturat da scola da Tusaun validà la scola da Vaz l'atun passà, e la bilantscha saja stada positiva, tant per Zorten sco era per Lai. Ed ina retschertga che geniturs hajan fatg avant curt en las fracziuns da Muldain, Lain e Zorten mussia, che la scola a Zorten saja in basegn. Paterlini manegia che la scola da Zorten haja tenor ina prognosa avunda scolaras e scolars per ils proxims trais fin tschintg onns, probabel era per ils proxims 10 onns. Il parlament ha decidì unanimamain, da betg persequitar vinavant il postulat da Michele Vitali.
Anfang Bildergalerie
Bildergalerie überspringen
-
Bild 1 von 2. Il postulat da Michele Vitali è vegnì refusà dal parlament da Vaz. Bildquelle: Federico Belotti.
-
Bild 2 von 2. Tenor il president dal cussegl da scola da Vaz Romano Paterlini, na vegn il lieu da scola da Zorten betg mess en dumonda il mument. Bildquelle: Federico Belotti.
Ende der Bildergalerie
Zurück zum Anfang der Bildergalerie.
- Il cusseglier communal Giancarlo Blaesi pretenda che l’areal enturn la baselgia da Lai na vesia betg pli ora bain e stoppia vegnir embellì. Il postulat ha il cussegl communal refusà cun 10:3 vuschs.
- Il cussegl communal da Vaz ha approvà il quint dal 2022. Quel serra cun in plus da 10,7 milliuns francs, quai tar expensas da radund 43 milliuns francs. Budgetà era in plus da 3,6 milliuns francs.
- Per far dapli staziuns per chargiar autos electrics tar ils parcadis Allod e tar la baselgia da Valbella, è vegnì approvà in credit supplementar da radund 200'000 francs.
- Philipp Ulrich è vegnì elegì en la cumissiun da bajegiar.
- Per l’Arena da biatlon a Lantsch ha il Cussegl communal approvà in credit d’impegn dad 1 milliun francs. 50% da questa summa è ina contribuziun fixa, ils auters 50% èn ina garanzia da deficit. La fatschenta sto anc vegnir approvada a l’urna.
- Per las prestaziuns da coordinaziun e communicaziun da la Lai Marketing e Support SA (LMS) è vegnì approva in credit posteriur da 100’000 francs, quai en favur dal plan da destinaziun 2030.