Siglir tar il cuntegn

Grischun Central «Vendì fitg bleras abitaziuns»

Il gea a l’iniziativa d'abitaziuns secundaras ha grondas consequenzas era per il Grischun Central. En il Surses per exempel na pon vegnir bajegiadas naginas abitaziuns secundaras novas pli. Quai s’accorscha uss la branscha d’immobiglias indigena.

Conrad Plaz e ses collavuratur Roberto Guetg en lur biro d'immobiglias a Savognin. Els guardan sin in Ipad.
Legenda: Conrad Plaz (sanester) e ses collavuratur Roberto Guetg en lur biro d'immobiglias a Savognin. mad

Sco quai che Conrad Plaz dal biro d’immobiglias Immoplaz ha ditg, haja el ils davos 3 onns vendì fitg bleras abitaziuns secundaras, cun quai ch’i vegnian naginas novas pli sin la fiera. «Ussa stuain nus sa focusar sin las existentas, là datti in grond potenzial per renovar», uschia Conrad Plaz. Ma gia pli baud sajan vegnidas renovadas abitaziuns veglias.

Il pli grond potenzial vesa l’interprendider da Savognin en chasas fitg veglias, che vegnian oz plitost renovadas che pli baud, grazia a l’iniziativa d'abitaziuns secundaras. Il pretsch per immobiglias en il Surses saja s’augmentà per tranter 10% enfin 20% tut tenor lieu, ha ditg Conrad Plaz. En las regiuns periferas sajan ils pretschs restads stabils.

La perspectiva dals chantuns da muntogna

RR actualitad 18:00