Siglir tar il cuntegn

Header

cuntegn

Grischun Central Vendita da material d’armada attira blera glieud

En l’Arena Grischuna a Cazas ha cumenzà venderdi la liquidaziun da material da l’armada. Dasper il material da la Svizra datti da cumprar rauba da 11 pajais.

Fritz Dick, l'organisatur da la vendita speziala en il deposit a Cazas.
Legenda: Fritz Dick, l'organisatur da la vendita speziala en il deposit a Cazas. RTR, F. Belotti

Sco quai che Fritz Dick, l’organisatur da la vendita ha ditg, hajan l’emprim di visità radund 5’000 persunas la fiera a Cazas. En ils diesch dis che la vendita cuzza, quinta el cun var 20’000 clients. En tut èn vegnids 12 camiuns cun rauba a Cazas. 20 emploiads èn engaschads durant la vendita. Sco quai ch’il possessur da Dick’s Armyshop ha ditg vinavant contracteschia el cun blers pajais da l’entir mund per uschia vegnir tar rauba actuala dal militar.

Vestgadira nova mo da l'exteriur

Cuntrari a l’Armada svizra vendan auters pajais sco per exempel la Gronda Britannia era vestgadira nova da schuldads. En Svizra na vegn vestgadira nova betg vendida. La rauba en vendita deriva da cumpras d’avant plirs onns ha ditg Fritz Dick. Vegnir tar novs posts da l’Armada svizra daventia adina pli grev. I na saja betg pussaivel da cumprar vestgadira da l’armada che porta la colur da camuflar actuala ch’è vegnida introducida ils onns 90.

chalzers da l'armada sin ina curuna.
Legenda: Era chalzers tutgan tar la rauba da l'armada che vegn vendida. RTR, F. Belotti

Artitgels legids il pli savens