Siglir tar il cuntegn

Grischun Central Vendita flaivla en l’Arena Grischuna

L’emprima aucziun da muaglia en l’Arena Grischuna a Cazas da sonda è ida a fin cun ina bilantscha mediocra. En l’aucziun èn vegnids vendids mo 27 da 48 animals, e quai en media 10% pli bunmartgà.

En media hai dà 3'320 francs per animal, l’onn passà 3’731 francs (-11%). Il pretsch il pli aut è stà 5’600 francs, il pli bass 2’500 francs. La raschun per quels pretschs pli bass e la vendita pli flaivla che l’onn passà è surtut la sitgira da questa stad.

Il pavel manca betg mo pli tar nus, el manca era en autras regiuns. Quai è cumpraders che nus avevan adina qua. E sche quels n’han betg il pavel, alura sentin era nus quai.
Autur: Christian Parlimanader da fatschenta Graubünden Vieh AG

La mancanza da pavel na munta betg mo che purs ston vender dapli vatgas, mabain era che purs cumpran damain. Uschia n'èsi per il manader da fatschenta da la Graubünden Vieh AG Christian Parli betg propi ina surpraisa che l'aucziun è marschada mediocher. Ussa ins possia esser spanegià, tge che capitia cun la vendita da la biestga da maz. Sche quels pretschs stettian constants, lura ins haja pli tgunsch la pussaivladad ch’era il martgà da niz sa revegnia, uschia ch’ins possia star davos il pretsch, di Parli vinavant.

RR novitads 11:00