Siglir tar il cuntegn

Header

video
Il Bogn Alvagni cumbatta cun problems finanzials - uss duai la vischnanca gidar
Or da Telesguard dals 20.06.2018.
laschar ir. Durada: 3 minutas 10 Secundas.
cuntegn

Grischun Central Vent criv per il bogn Alvagni

Danovamain ha il Bogn Alvagni SA scrit cifras cotschnas l’onn da gestiun 2017. Uschia ha la radunanza generala infurmà il mardi saira ils acziunaris. Quels han er approvà da surpurtar il deficit da 240’000 francs sin il nov quint. Il deficit munta uss a radund 650’000 francs.

Cun augmentar il 2016 il dumber da las entradas dal bogn, avevan ins gì tar la societad segns da speranza. Las cifras da l’onn da gestiun 2017 conferman però insatge auter: Cun 40’800 entradas vendidas, han 7% damain persunas visità il bogn. Quai èn be la mesadad da las entradas ch'il bogn ha dumbrà en ils megliers onns.

audio
Mezdi: Bogn Alvagni spera sin sustegn da la vischnanca
ord Actualitad dals 20.06.2018.
laschar ir. Durada: 2 minutas 25 Secundas.

L’onn da gestiun 2017 ha il bogn fatg in deficit da bun 240’000 francs. Per pudair exister er en l’avegnir, ha il Bogn Alvagni SA dumandà la vischnanca Albula/Alvra per in sustegn finanzial da 200’000 francs ad onn. Il president communal ha ditg che la vischnanca saja il mument vi dad examinar, co ch’el possia gidar al bogn che saja fitg impurtant per la val.

Nova fatscha en il cussegl d’administraziun

Plinavant ha la radunanza generala elegì Luzi C. Schutz, il president communal da Bravuogn Filisur, en il cussegl d’administraziun da la Bogn Alvagni SA. El remplazza Felix Schutz ch’ha dà giu l’uffizi perquai ch'el n’è betg pli president communal da Filisur – ch’ha fusiunà cun Bravuogn.

Hans Christoffel, il president dal cussegl d'administraziun dal bogn declera las mesiras da spargn ch'èn gia vegnidas realisadas.
Legenda: Hans Christoffel, il president dal cussegl d'administraziun dal bogn declera las mesiras da spargn ch'èn gia vegnidas realisadas. RTR, Federico Belotti

RR novitads 06:00

Artitgels legids il pli savens