Siglir tar il cuntegn

Grischun Central Via dal Pass dal Set è vegnida sanada

Il project da sanaziun da la via dal Pass dal Set è a fin. Quai scriva il Parc Ela, ch’è stà responsabel per il project. Suenter che la sulada istorica è vegnida sanada l’onn 2012, èn vegnids reconstruids tranter il 2013-15 en Val Tgavretga 420 m2 mirs sitgs.

Mir sitg dasperas la Via dal Pass dal Set.
Legenda: Differents mirs sitgs da la via istorica èn vegnids reconstruids. mad

Las lavurs èn vegnidas fatgas cun agid da la fundaziun Umwelteinsatz Schweiz, da persunas dal servetsch civil da l’uniun Naturnetz sco era da differentas classas da scola. Radund 100 persunas han lavurà total dapli che 3’000 uras vi da la vial dal Set. Il project ch’ha custà 270’000 francs è vegnì sustegnì da l’uffizi federal per vias, da la tgira da monuments, dal fonds cuntrada Svizra, da las Ovras electricas da Turitg, da la protecziun da la patria e da l’uffizi per natira ed ambient.