La via istorica da la Viamala vegn sanada ils proxims 4 onns, quai communitgescha la regenza. Il project prevesa da renovar tut las punts, las gallarias ed ils mirs da sustegn sco er la surstructura da la via. Las lavurs da construcziun vegnan probablamain realisadas en quatter etappas annualas da l'onn 2019 fin l'onn 2022. L'onn 2023 duain avair lieu las lavurs da finiziun.
Via cun impurtanza naziunala
La via da sauma da 360 onns da Tusaun a Chiavenna è classifitgada sco «trassé istoric d'impurtanza naziunala». Ella vegn utilisada fermamain dals visitaders da la chavorgia e serva era sco traject da sviament en cas d'impediments sin la via naziunala.
RR novitads 10:00