La via commerziala è vegnida surdada il 1823 al traffic. L'emprima via «moderna» tantert nord e sid dal chantun Grischun da Cuira via Tusaun tras la Viamala sur il pass dal Spligia e Chiavenna ni sur il pass dal San Bernardino enfin a Bellinzona è dentant en la regiun da la Rusna persa en la Viamala en in schlet stadi. Adina puspe croda crappa e donnegia la via. Ina gruppa d'interess cun represchentants da l'uniun culturala Viamala e privats han interess da mantegnair la via ed en special la via en la regiun da la Rusna persa.
Rusna persa dovra raps
Per sanar la via quintan ils iniziants cun raduns 4 milliuns francs. Cun avair en la fasa da projectaziun radund 500'000 francs vegnan fatgas las lavurs necessarias. Rudolf Küntzel, il president da l'uniun culturala Viamala e manader da project di cleramain: «Emprim ils raps e suenter la lavur.» En la fasa actuala saja quai segiramain pli grev da cuntanscher che suenter en la fasa da sanaziun e reconstrucziun. Ils daners sajan denturn per mantegnair objects architectonics da valur istorica.
Festivar 200 onns via commerziala cun Rusna persa
Fabienne Barras da Viamala turissem è la curatura per la festa «200 onns via commerziala» il 2023. Ella spera fermamain che la via saja accessibla e segira la stad 2023. La Rusna persa saja in lieu unic ed uschia impurtant per las festivitads. La festa saja dentant er l'entschatta d'ina cuntinuaziun per dar l'impurtanza a la muntada da la via e dal lieu. Quai è tranter auter er il motiv ch'il Parc natiral Beverin s'engascha en chaussa.
Or da l'archiv
