La Viafier retica ha infurmà mardi bun'ura davart ina interrupziun. Tranter Filisur e Bravuogn hai dà ina crudada da crappa. Il tren ha pudì franar avant il lieu, e persunas n'èn betg vegnidas blessadas.
Entant èn ils binaris puspè rumids ed ils trens curseschan puspè tenor urari. Per part èsi dentant da quintar cun retards e midadas tar las furmaziuns dals trens.
L'avantmezdi èn cursads bus a remplazzament tranter Filisur e Bravuogn ed a passagiers en viadi a Samedan e San Murezzan è vegnì cusseglià da viagiar via Landquart e Claustra.