Siglir tar il cuntegn

Header

video
Pli paucs giasts tar la Viafier retica
Or da sil punct dals 28.07.2021.
laschar ir
cuntegn

Viafier retica Damain turists che l’onn passà

L’aura actuala e la brama da scappar da la Svizra han in’influenza sin las frequenzas da stad. Sco quai che Yvonne Dünser, la pledadra da la Viafier retica ha ditg envers RTR, sajan las frequenzas turisticas da questa stad radund 10% sut quellas da l’onn passà.

Cun las frequenzas da quest onn essan nus cuntents. Corona n’è anc adina betg davent, i dat anc adina blera glieud che vuless ma po betg viagiar. Era l’aura da stad n’è betg stada optimala. Ma quests 10% damain ans laschan sperar ch’i dettia ina buna finiziun da la stad ed in bun atun.
Autur: Yvonne Dünser pledadra Viafier retica

La Viafier retica s’accorschia ch’i dettia puspè dapli giasts dals pajais vischins sco la Germania, la Frantscha e l’Italia. Giasts da l’America e da l’Asia manchian deplorablamain, uschia la Viafier retica. Il tren turistic cun vaguns istorics che cursescha tranter Tavau e Filisur durant ils mais da stad, ha gì blers turists durant ina visita da RTR. L'onn passà han per exempel 42'000 persunas fatg in viadi cun quest tren. Quest onn possia quai puspè dar circa tuttina blers passagiers sco l'onn passà. L'onn da record (anc senza corona) è stà l'onn 2019 cun 66'000 persunas.

Sil punct

Artitgels legids il pli savens

Scrollar a sanestra Scrollar a dretga