Siglir tar il cuntegn

Header

cuntegn

Viafier retica Naginas controllas da bigliets pli en ils trens

Ils trens da la Viafier retica vegnan vinavant accumpagnads da conducturs. Da nov na circuleschan quels però betg pli tras ils trens, ed era na vendan els nagins bigliets pli. Quai ha la Viafier retica confermà sin dumonda da RTR.

Tut ils trens che vegnivan enfin ussa accumpagnads da conducturas e conducturs, vegnan vinavant accumpagnads sco enfin qua. Ils trens vegnan dentant mo pli accumpagnads ord raschuns da segirtad. Quai cumpiglia tranter auter il dar il signal da partenza d’in tren, far las emprovas dals frains sin las staziuns, u infurmar la glieud sur l’autpledader cura ch’i dat disturbis sin la rait da viafier.

Durant il viadi sa tegnan ils accumpagnaders dal tren dentant vi da la regla da la distanza sociala. Uschia èn las conducturas ed ils conducturs durant il viadi en in lieu nua ch’igl ha pauca glieud. Cumprar bigliets resta dentant vinavant pussaivel als automats e tar ils spurtegls da bigliets, u cun il telefonin u il computer.

RTR actualitad

Artitgels legids il pli savens

Scrollar a sanestra Scrollar a dretga