En la chavorgia da la Viamala sto vegnir siglientà in grip pli grond che smanatscha da crudar sin ina da las gallarias datiers dal center da visitaders.
Cun la siglientada controllada veglian ins garantir la segirezza durant las lavurs da construcziun che vegnan fatgas ils proxims quatter onns sin il tschancun da la Viamala, communitgescha l'Uffizi chantunal da construcziun bassa.
Las preparaziuns per la siglientada dal grip da circa 600 meters cubic han cumenzà suenter Pasca. Ils 5 da zercladur duai il grip lura vegnir siglientà.
RR novitads 09:00