Cun interpretaziuns scenicas e raquints or da las diversas epocas dals ultims dus millennis survegnan ils visitaders ina invista en las aventuras ch’ils umans han passentà cun traversar questa chavorgia.
Imperaturs, poets, turists e cuntrabandiers
Durant il guid s'inscuntra tranter auter il roman Claudius Claudianus che raquinta da l’ultim imperatur Flavius Stilicho, ch'era en viadi vers Germania per defender l’imperi roman. U il poet Theodor Fontane che viagia cun chaval e charrotscha tras la chavorgia. Mintgin cun in’atgna vista envers la chavorgia profunda.
L’atmosfera da las paraids stippas che cuvernan plan planet en il stgir da la notg e vegnan illuminadas mo pli da la glisch da laternas dat al guid in sentiment sco sch'ins faschess in sigl enavos en il temp.
Viamala Notte ha lieu mintga gievgia saira fin la fin d’avust.
TR sil punct 17:50