Siglir tar il cuntegn

Header

cuntegn

Grischun Central Viamala: Quatter organisaziuns sut in tetg

L'ospital e la chasa d'attempads a Tusaun, il center da tgira «Glienda» ad Andeer e la Spitex Viamala vulan fusiunar. Sco quai ch’ellas han infurmà, duain las decisiuns da fusiun crudar la fin da l’onn. Il manaschi operativ duai cumenzar l’entschatta dal 2019.

audio
Saira: Tusaun project da cooperaziun Traversina
ord Actualitad dals 06.04.2017.
laschar ir. Durada: 3 minutas 16 Secundas.

Cun in project da cooperaziun «Traversina» vul la regiun Viamala segirar il provediment da sanadad regiunal. Sco quai che las organisaziuns communitgeschan è la finamira surtut da rinforzar il provediment da sanadad decentral. Ultra da quai veglian ins optimar la qualitad ed er ils custs.

L'idea è vegnida l'onn 2013 entras il concept directiv per l'organisaziun dal provediment da sanadad en il chantun. Ils auturs da quest concept eran vegnids a la conclusiun, ch'il provediment da sanadad stoppia esser garantì en l'entir chantun per ch'ins possia er vinavant abitar en lieus decentrals en il Grischun.

La regiun d'ospital da Tusaun cumpiglia las valladas da la Mantogna en Tumleastga, la val Schons, la Valragn, la val d'Avras e la val d'Alvra.

RR novitads 15:00

Artitgels legids il pli savens