Siglir tar il cuntegn

Header

audio
Viandar e scriver: Linard Candreia cun in nov cudesch
Or da Actualitad dals 02.06.2022.
laschar ir. Durada: 3 minutas 27 Secundas.
cuntegn

Viandar e scriver Da Laufen enfin Stierva

Linard Candreia ha schon publitgà divers cudeschs. In sco l'actual dentant betg. L'anteriur scolast da gimnasi ha combinà il viandar e scriver. Il resultat n'è detant betg in cudesch da viandar, percunter in cudesch cun istorgias d'inscunters ed impressiuns.

Da Laufen en il chantun Basilea-Champagna enfin a Stierva – quai è stada la ruta da viandar l'onn passà da Linard Candreia. Sias impressiuns e ses inscunters spontans ha el mess sin palpiri ed illustrà cun bleras fotografias. Il cudeschet «Impressionen einer Fussreise» na saja nagina lavur litterara u schurnalistica, raquinta il scolast da gimnasi pensiunà e tradescha er che la publicaziun è l'emprima part d'ina trilogia.

Il cudesch da Linard Candreia
Legenda: Toni Poltera

Puspè sin viadi

Il mument è Linard Candreia sin viadi da Basilea a Genevra. Quai tenor il medem schema sco sia emprima tura: La saira turna el adina a chasa a Laufen per esser pli liber e pudair far las etappas cura ch'el vul. Il terz viadi vegn ad esser da Basilea a Chiasso. Sin ses viadi haja el remartgà ch'el n'enconuschia betg la Svizra. Ussa cun esser pensiunà, haja el temp per tals projects – el sa legria dentant era sin ina eventuala spassegiada da Basilea enfin a Paris.

RTR actualitad 08:00

Artitgels legids il pli savens

Scrollar a sanestra Scrollar a dretga