La vischnanca d'Andeer po sanar ils rempars da lavinas Vallatscha. La mesemna saira ha la radunanza communala approvà in credit da 160’000 francs.
Il chantun e la Confederaziun surpiglian radund trais quarts dals custs, ha la vischnanca scrit en la missiva. Ina bova aveva donnegià ils rempars da lavinas construids il 1976. E quels rempars protegian tranter auter bajetgs da la fracziun Pignia, ina part da l'autostrada A13 e vias da colliaziun.
Taxas ed amortisaziuns
Ultra da quai ha la radunanza communala d’Andeer acceptà d'augmentar las taxas da basa per aua, aua persa e rument. Vitiers han ils votants e las votantas approvà d’amortisar in emprest al Bogn da cura Schons Andeer SA en l’autezza da var 2,6 milliuns francs.