Jau sun in pauet dischillusiunà. Igl è in segn che betg tuts èn cuntents cun mia lavur.
audio
Reacziun dal mastral Leo Thomann sin sia reelecziun
ord Actualitad dals 07.10.2019.
laschar ir. Durada: 2 minutas 58 Secundas.Puncto communicaziun haja el forsa fatg memia pauc. I saja perquai dad infurmar dapli la populaziun davart la lavur da la suprastanza e dad explitgar ils motivs.
Era da la suprastanza giavischan ins ina midada.
Quai vesian ins vi dal fatg ch’ils votants hajan elegì in nov candidat cun in meglier resultat e dus vegls na sajan betg vegnids reelegids en l’emprim scrutini.
-
President communal
Leo Thomann ch’è dapi 2016 en uffizi è vegnì elegì cun 477 vuschs. L’um da Parsonz è dentant er stà il sulet candidat per il post. Ina surpraisa datti dentant tuttina, bunamain la mesadad dals cedels da votar per il presidi èn stads vids (239 cedels) u nunvalaivels (199 cedels).
-
Suprastanza communala
Plinavant ha il suveran da Surses elegì Adrian Ballat (703 vuschs – nov), Giancarlo Torriani (585 vuschs – fin qua) ed Otmar Netzer (524 vuschs – nov) en suprastanza communala. Perquai che nagin dals ulteriurs candidats han cuntanschì il pli absolut vegni a dar in segund scrutini. Betg vegnids reelegids n'èn percunter Gian e Toni Sonder.
-
Cumissiun da gestiun
Sco commembers da la cumissiun da gestiun èn vegnids elegids Armando Janett (606 vuschs), Urs Guetg (455 vuschs) e Marco Jäger (445 vuschs).
-
Cussegl da scola
En il cussegl da scola èn vegnids elegids Adrian Demarmels (635 vuschs), Nina Carisch (598 vuschs), Sandra Meier (544 vuschs) e Gianna Sonder (516 vuschs).
RR actualitad 12:00