En il Grischun datti tenor cifras dal chantun 108 differentas sereneras publicas, ina da quellas sa chatta a Cunter en il Surmeir.
Aua resta 33 uras en la serenera
Ina fitg gronda rait da chanals maina ensemen tut l'aua davent da Salouf fin a Rona. En la serenera a Cunter vegn l'aua da chanalisaziun transfurmada en aua netta che vegn silsuenter manada en il flum, la Gelgia. Per che quai è pussaivel èn trais differents «tips da schubregiar» en la serenera necessaris:
- schubregiada mecanica
- schubregiada biologica
- schubregiada chemica
En media passan 1'500 liters cubic aua a di tras la serenera e l'aua resta circa 33 uras a Cunter, quai che saja pulit ditg, di Adrian Ballat.
Tut na po ins betg filtrar
Jau chat fitg impurtant ch'ils carstgauns pensan tge ch'i laschan ir da la duscha giuador.
Era sche las sereneras schubregian l'aua en plirs pass, tut n'è betg pussibel da filtrar. Per exempel restan parts da medicaments en l'aua e cun la circulaziun da la natira pon quellas in di puspè vegnir tras il pesch enavos tar il carstgaun.
RR actualitad 12.00