Nov cursas durant 5 dis en tut las disciplinas. Quai è stà avant dus onns. Quest onn è la dimensiun bler pli pitschna cun avair «mo» trais cursas da la cuppa mundiala a Lai.
Cun la nova situaziun stuain nus reponderar l’entira organisaziun.
Tenor Thomas Jäger, il manader da las cursas n'è la sfida però betg bler pli pitschna: «Cun la nova situaziun stuain nus reponderar l’entira organisaziun, quasi entschaiver da nulla ed uschia avain nus prest dapli lavur che d’organisar il final, nua che nus avain gia rutina dad autras giadas.»
Per ils fans vegn construida ina tribuna che porscha 1’500 plazs da star en pais. Tar il final avant dus onns avevan anc 5’000 persunas plaz sin tribuna. Il Super-G da la sonda, sco era la cumbinaziun alpina cun slalom e Super-G da la dumengia a Lai èn las ultimas da questa stagiun avant il grond final a San Murezzan.
Intginas cifras per cumparegliar
2016 | 2014 | |
voluntaris | 300 | 600 |
armada e protecziun civila | 2'800 dis da servetsch | 3'800 dis da servetsch |
represchentants da medias | 200 | 300 |
aspectaturs | 10'000 | 32'000 |
tribuna | 1'500 | 5'100 |
budget | 1,2 milliuns | 4,6 milliuns |