Siglir tar il cuntegn

Header

audio
Cun las «Youngsters» da Zezras a la festa da gimnastica GR-GL
Or da Actualitad dals 28.06.2022.
laschar ir. Durada: 4 minutas 2 Secundas.
cuntegn

«Youngsters» da Zezras «Cumpetiziun e far festa èn ils highlights»

Tranter las 5’000 participantas e participants èn las sportistas da la societad da gimnastica Zezras. Ellas han mussà lur choreografia d'aerobic per la segunda giada quest onn – ed èn cuntentas cun la prestaziun.

Sonda la damaun a las 08:12 valevi serius per las 12 gimnastas da la societad da gimnastica Zezras. Ellas sa numnan «Youngsters», perquai che lur gruppa è nova e tuttas èn tranter 18 e 22 onns. Cun las medemas chautschas, t-shirt, chalzers e frisura mussan ellas sin il palc da la festa da gimnastica grischuna-glarunaisa a Näfels lur choreografia. Il pli impurtant è da rir e dad esser sincron.

Jau erel schont in zic gnervusa, perquai ch'igl è insatge auter, ed jau fatsch quai l'emprim onn.
gimnasta da Zezras
audio
Sport da gimnastica: Betg tuttina popular en regiuns grischunas
ord Actualitad dals 28.06.2022.
laschar ir. Durada: 2 minutas 56 Secundas.

Tuttas èn cuntentas cun lur prestaziun. Nagina è crudada ed igl ha funcziunà sco planisà. Per lur preschentaziun survegnan ellas la nota 8,65. Ina buna valitaziun, perquai che la nota maximala è 10. Il suentermezdi e la saira van ellas alura a guardar las cumpetiziuns dad autras sportistas e sportists, … ed a far festa.

Il punct culminant dad ina festa da gimnastica è la cumpetiziun ed il far festa.
gimnasta da Zezras

RTR actualitad 06:00

Artitgels legids il pli savens

Scrollar a sanestra Scrollar a dretga