Siglir tar il cuntegn

Header

cuntegn

Ziràn Collisiun frontala cun tschintg blessads

Sonda suentermezdi hai dà ina collisiun frontala en la gallaria da Wegerhaus, datiers da Ziràn. Tsching persunas sajan vegnidas blessadas, annunzia la polizia chantunala.

Ina automobilista tudestga da 75 onns e ses passagier eran da viadi da Spleia en direcziun Tusaun. En ina lunga storta a dretga è l'auto da la dunna vegnì sin il vial oppost. Là ha ella laschà sdrimar l'auto d'in manischunz da 25 onns che vegniva encunter. Silsuenter è la dunna collidada frontal cun in segund auto che vegneva medemamain encunter.

Tut las persunas èn sa blessadas levamain ed èn vegnidas transportadas cun ambulanzas en l'ospital da Tusaun. La via N13 è stada serrada per tut il traffic durant duas uras e mesa. En acziun èn era stads 10 pumpiers da Tusaun.

RTR novitads 14:00

Artitgels legids il pli savens