La «Tàna da Sutrcrùn» sa chatta bun 10 minutas a pe davent da la posta. Ella è radund 15 meters largia e set meters profunda. Ussa è cumparì il dieschavel cudesch dal Servetsch archeologic dal Grischun che tematisescha sin radund 200 paginas ils detagls da la tauna da cult.
Ils onns 1990 han uffants che faschevan termagls scuvert la tauna e chattà ossa. Ils onns 1991 fin il 1995 è la tauna vegnida perscrutada dal Servetsch archeologic grischun. Ils resultats da quels stgavaments èn dentant vegnids rimnads e valitads da nov da spezialists da las universitads da Berna e Basilea epublitgadas ussa en in cudesch.
Chattà en la tauna han ins passa 13’000 tocs dad ossa dad animals e dapli che 650 munaidas. Tranter il terz e tschintgavel tschientaner suenter Cristus, vegnivan celebrads rituals religius en la tauna. Tranter il 5avel ed il 10avel tschientaner è la tauna ed il conturn davant la tauna vegnì duvrà sco santeri. Set fossas davant la tauna èn vegnidas examinadas.
1 / 9
Legenda:
La pli nova publicaziun dal Servetsch archeologic Grischun.
RTR, Federico Belotti
2 / 9
Legenda:
Dadens la tauna.
RTR, Federico Belotti
3 / 9
Legenda:
Barbarar Gabrielli, la manadra da l'Uffizi da cultura dal Grischun durant la preschentaziun dal cudesch.
RTR, Federico Belotti
4 / 9
Legenda:
Christa Ebnöther, l'autura principala dal cudesch.
RTR, Federico Belotti
5 / 9
Legenda:
Vista sin la tauna cun duas novas tavlas d'infurmaziun.
RTR, Federico Belotti
6 / 9
Legenda:
L'autura principala Christa Ebnöther referescha, dasperas è Roland Signer ch'ha scuvert la tauna sco uffant.
RTR, Federico Belotti
7 / 9
Legenda:
La tauna po vegnir visitada durant l'entir onn.
RTR, Federico Belotti
8 / 9
Legenda:
Roman Schamaun, il president communal da Ziràn-Reschen durant ses pled a Ziràn.
RTR, Federico Belotti
9 / 9
Legenda:
L'interess per la tauna ed il nov cudesch è stà grond la sonda ils 27 d'avust 2022.
RTR, Federico Belotti
