Mez zercladur ha in helicopter da la Heli Rezia stuì sa tschentar urgentamain sin in prà tar Ziràn en la Val Schons. La raschun è stada ch'el è collidà cun in utschè da rapina ed ha silsuenter gì difficultads, quai scriva il servetsch svizzer d'inquisiziun da segirezza SUST en in rapport ch'el ha publitgà oz.
Tar l'accident haja l'utschè rut tras la fanestra davant, il pilot è vegnì blessà. Il pilot era da viadi dad ina Alp enavos a Tusaun cura ch'el è collidà cun l'utschè. Latiers è il helicopter vegnì donnegià grevamain. Il SUST ha ussa instradà in'inquisiziun. L'utschè n'ha betg survivì l'accident.