A Zorten en la vischnanca da Vaz datti in cas da corona en la scola primara. Actualmain è ina persuna creschida en isolaziun. 17 scolaras e scolars sco er tschintg persunas d'instrucziun èn quarantina, quai communitgescha l'uffizi chantunal da sanadad.
Il cas saja vegnì annunzià oz. Ils contact-tracers dal chantun hajan lura immediat cumenzà cun la lavur per interrumper las chadainas d'infecziun e tschertgà las persunas da contact pussaivlas. Durant il temp da quarantina ha la scola introducì per tut las classas l'instrucziun a distanza.