La tgira d’uffants cumplementara en il Grischun duai vegnir rinforzada. La regenza prevesa perquai da stritgar las contribuziuns da maternitad ed investir quels daners per promover supplementarmain la tgira d’uffants.
Las contribuziuns da maternitad na sajan betg pli actualas. Oz vegnia spetgà ch'omadus geniturs possian ir a lavurar. Il project tegnia quint da questas relaziuns socialas. La midada duai plinavant gidar da cumbatter la mancanza da persunas spezialisadas, hai num en la communicaziun.
Il project duai però vegnir realisà senza chaschunar dapli custs. La regenza ha deliberà la missiva per mauns dal Cussegl Grond.
