Ultra da quai ha il chantun dumbrà 1’441 persunas che tschertgan lavur dentant che n’èn betg dischoccupadas, quai èn surtut persunas che fan ina scolaziun supplementara e che fan diever dals servetschs dal RAV.
Lavur curta
En il Grischun èn 20 interpresas pertutgadas da lavur curta, quai ch’èn 2 interpresas dapli ch’il mais avant, uschia scriva l’Uffizi per industria, mastergn e lavur dal Grischun.
Situaziun en Svizra
La quota da dischoccupaziun en Svizra è sa reducida l’avrigl sin 3,3%. Il mars eran anc 3,4% da la populaziun senza lavur, quai communitgescha il Secretariat da stadi per l’economia SECO.
Il dumber da persunas cun lavur curta è dentant s’augmentà marcantamain, quai per 62,4%. Il motiv saja l’aboliziun dal curs minimal da l’euro, scriva il SECO.
RR novitads 9:00