Grischun - Dependenza d'agid social en il Grischun resta stabila

2'697 Grischunas e Grischuns han retratg agid social l'onn 2017. Var dus terzs da las persunas sustegnidas èn confruntadas cun grondas sfidas finanzialas pervi da lur vegliadetgna, situaziun famigliara, situaziun da sanadad u pervi da lur scolaziun. Quai mussan las novas cifras da l'Uffizi federal da statistica per il chantun Grischun. En cumparegliaziun cun il 2016 èn las cifras restadas relativamain stabila.

La quota da persunas en il Grischun che dovran agid social è restada stabila ils ultims 10 onns. Il dumber è sa stabilisà durant quests onns sin in livel da tranter 1,2% ed 1,4% da la populaziun Grischuna. La quota d'agid social en l'entira Svizra è pli che dubel uschè auta che la quota grischuna.

RR novitads 09:00