L'applicaziun per Android ed iOS è in success – varga 4'500 persunas han gia chargià giu la app che custa 2 francs.
L’idea da la app è simpla
Il text da l'emprima strofa d’ina chanzun populara enconuschan ins per regla tip-top. Per la segunda ed ulteriuras strofas mancan dentant ils pleds. Marco Deplazes, ch'è oriund da Rabius ha schlià quest problem cun metter a disposiziun texts da varga 2'200 chanzuns en differents linguatgs – sa chapescha era en rumantsch.
La paletta da chanzuns rumantschas duai vegnir engrondida cuntinuadamain. En il cas ch'ins enconuscha sez ina chanzun, ch'ins na chatta betg sin la app, pon ins contactar Marco Deplazes direct. El agiunta lura ils texts per la app. Bainvegnids èn er texts da musicists rumantschs moderns.
RR actualitad 06:00