-
Bild 1 von 15. Ils töffins èn pronts per il viadi da Cuira ad Ascona. Bildquelle: RTR, G.M. Maissen.
-
Bild 2 von 15. Las davosas reperaturas avant la tura. Bildquelle: RTR, G.M.Maissen.
-
Bild 3 von 15. Ils mopeds èn vegnids schubregiads ed equipads per la tura. Bildquelle: RTR, G.M.Maissen.
-
Bild 4 von 15. Las chapellinas ston er ir a prà cun ils mopeds. Bildquelle: RTR, G.M.Maissen.
-
Bild 5 von 15. Mintga töffin ha in numer. Dentant na dat igl betg ina cursa. Ils numers èn per avair la survista tar ils differents posts da controlla. Bildquelle: G.-M. Maissen.
-
Bild 6 von 15. Il viadi sur il pass dal San Bernardino è stà pli delicat. Bildquelle: RTR, G. M. Maissen.
-
Bild 7 von 15. Ils Grischuns en visita el Tessin. Bildquelle: G.-M. Maissen.
-
Bild 8 von 15. Ins sa gida. Durant las pausas dentant era sin via. Bildquelle: G.-M. Maissen.
-
Bild 9 von 15. Pulvra, fim e canera. La gruppa da passa 100 töffins croda si. Bildquelle: G.-M. Maissen.
-
Bild 10 von 15. Era tar ils costums e dumandà creativitad. Uschia quest um en in overal da mecanist d’aviuns. Bildquelle: G.-M. Maissen.
-
Bild 11 von 15. Ils Easy Riders van era uschiglio cun il töffin sin turas pli lungas. Era sil töffin è il stil impurtant. Bildquelle: G.-M. Maissen.
-
Bild 12 von 15. Ils pneus han il pli savens in defect. Dentant vegn spert gidà. Bildquelle: G.-M. Maissen.
-
Bild 13 von 15. Betg tut ils töffins han survivi la tura da töffins. Motors defects e cabels ruts èn motivs da chargiar ils töffins. Bildquelle: G.-M. Maissen.
-
Bild 14 von 15. In suenter l’auter cul töffin en direcziun Ascona. Bildquelle: G.-M. Maissen.
-
Bild 15 von 15. Il reporter dad RTR Gian-Marco Maissen che ha accumpagnà la Töfflitour. Bildquelle: G.-M. Maissen.
Venderdi en damaun, punctualmain a las set èn ils mopeds partids davent da la plazza Arcas a Cuira. I è la segunda tura da moped uffiziala davent da Cuira ad Ascona. Il viadi maina da Cuira tras la Tumleastga sur il pass dal San Bernardino en direcziun Tessin. In viadi pacific nà dal tempo.
In viadi pacific
Suenter in'ura e mesa è la gruppa arrivada en la Viamala. In'ura e mesa - perquai che cun mopeds na dastg'ins betg charrar pli svelt che cun 30 km/l'ura en Svizra. La tura saja organisada a moda professiunala di il reporter Gian-Marco Maissen ch'accumpogna la gruppa enfin mezdi. I dettia in plan precis cun ruta e pausas. Per pannas dettia mecanists ch'in possia clamar via chat sin What's app.
Il San Bernardino è stà ina sfida
Entant ha la gruppa passà il San Bernardino. Il pass saja stà ina sfida perquai ch'ils motors na tirian betg uschè bain cur ch'i va ensi. Ultra da quai sajan las temperaturas pli fraidas che quintà, conferma er Gian Nuot Tschander che fa medemamain part a questa tura en il Tessin.
Tut ha cumenzà cun ina idea sturna
Tge che tuna sco in'idea da giuvenils è il project da creschids. 80 töffins van en diesch dis en direcziun Ascona. L’idea era adina puspè en l’aria da far ina tura da töffins, di Ivo «FiFi» Frei. Dentant n'avess el ditg betg pensà che quell'idea vegnia propi realisada ina giada.
Avant dus onns han plirs amaturs da mopeds fundà la gruppa Waazzoouu’s. Ed in onn pli tard han els fatg l’emprima giada il viadi da Cuira ad Ascona.
Or dad in pign project è daventà in eveniment turistic
La segund'ediziun quest onn è ussa dentant bler pli gronda. Gia passa 80 persunas èn s'annunziadas. L'eveniment vegn sustegnì d’ina firma da transport sco era d'ina firma da reparatura da töffins. Era las organisaziuns turisticas da Cuira ed Ascona sco era da la Viamala fan part da l'eveniment.
Sco Leonie Liesch da Cuira Turissem di, vegn quest eveniment a purtar ulteriuras pernottaziuns a Cuira. Quai mussia era la glista d’annunzias cun participants da la bassa, dal Tessin sco er da la Germania. Cun quai che la tura cumenzà gia la damaun baud da las set vegnan quellas persunas a durmir en la regiun da Cuira, uschia Leonie Liesch.
En indesch uras da Cuira ad Ascona
Ils töfflis partan ils 27 da matg la bun'ura baud da las set sin la plazza d’arcas. L'emprim vegn la gruppa a far ina runda tras la citad veglia avant ch’ella va lura tras la regiun Viamala, San Bernardino, Lostallo ad Ascona. Als differents lieus datti lura mintgamai insatge da mangiar ni in auter divertiment. Planisà è che la gruppa arriva lura finalmain da las sis la saira ad Ascona. Quai cun pernottaziun venderdi saira ad Ascona.
RR actualitad 11:00