-
Bild 1 von 3. Igl è vegni preschentà e discutà davart innovaziun en il chantun Grischun al Forum da turissem. Bildquelle: RTR, Pietro Jacomet.
-
Bild 2 von 3. Mik Häfliger, manader da management d'innovaziun da Grischun Vacanzas, ha preschentà projects ch'èn gia en la fasa da test. Bildquelle: RTR, Pietro Jacomet.
-
Bild 3 von 3. Andreas Deuber, manader da l'Institut da turissem e temp liber a la HTW a Cuira, ha accentuà l'impurtanza dad esser innovativ per il futur. Bildquelle: RTR, Pietro Jacomet.
Sco tar l'applicaziun «Uber», nua ch'igl è pussaivel d'empustar in taxi a curta vista, vulan ins en il futur pudair empustar ina lecziun da scola da skis.
L'idea è: Cura ch'ins è sin pista e vesa in scolast da skis ed ins decida da vulair prender ina lecziun da skis, lura pon ins far quai a curta vista sulettamain cun in click sin il telefonin.
Ils emprims tests da quest project èn gia vegnids fatgs la fin da l'ultima stagiun da skis a Tavau. Quest enviern vegn danovamain testà l'idea, e sch'ils resuns èn positivs, vulan ins en il futur producir in'applicaziun che funcziuneschia sco Uber.
Discussiuns fritgaivlas
Al forum èsi vegnì discutà tge ch'è atgnamain innovativ en il mund globalisà, co ch'ins daventa ina fatschenta u ina destinaziun innovativa e tge sfidas ch'ins ha ozendi, cura che tut sa mida en in tempo rasant. Tant Grischun Vacanzas sco er la HTW èn ferm persvas, che quels inscunters pon lantschar novas discussiuns e purtar novas ideas.
RR actualitad 17:00