Atgnamain èsi totalmain secret, tgi che vegn sin la glista da candidats per la successiun da l'uvestg Vitus Huonder. Dentant speculaziuns datti adina dapli. Dacurt èn novs nums vegnids agiuntads al carussel da pussaivels candidats: Christian Cebulj, rectur da la Scol'auta da teologia a Cuira ha numnadamain numnà ses trais favurits persunals ch'el pudess s'imaginar sco proxim uvestg. Quai èn Joseph Bonnemain ch'è tranter auter en il cussegl da la diocesa, Urban Federer, l'avat da Nossadunaun e Christian Rutishauser, il parsura dals gesuits Svizzers.
Gia vegnids numnads en in'emprima runda da speculaziuns sco pussaivels candidats per la successiun da Vitus Huonder èn ils vicaris generals Martin Grichting ubain Andreas Fuchs, l'uvestg auxiliar da Cuira Marian Eleganti, l'uvestg auxiliar da Fribourg Alain de Raemy, l'anteriur avat da Nossadunnaun Martin Werlen, il plevon Roland Graf ubain l'anteriur minister dals caputschins Mauro Jöhri.
-
Bild 1 von 10. Urban Federer. È er Urban Federer, l'avat da Nossadunnaun candidat per la successiun da l'uvestg? Bildquelle: Keystone.
-
Bild 2 von 10. Joseph Bonnemain. Joseph Bonnemain (sanester) è gia blers onns en il cussegl da la diocesa. Bildquelle: Keystone.
-
Bild 3 von 10. Christian Rutishauser. Il parsura dal gesuits Christian Rutishauser. Bildquelle: wikipedia.
-
Bild 4 von 10. Marian Eleganti. L'uvestg auxiliar Marian Eleganti vegn er speculà sco successur per Vitus Huonder. Bildquelle: Keystone.
-
Bild 5 von 10. Martin Grichting. Sco vicari general fiss Martin Grichting en la pole position sco proxim uvestg, u betg? Bildquelle: Keystone.
-
Bild 6 von 10. Andreas Fuchs. Il vicari general Andreas Fuchs – in pussaivel candidat per la successiun da Vitus Huonder? Bildquelle: Katholische Kirche Schweiz.
-
Bild 7 von 10. Alain de Raemy. L'uvestg auxiliar da Fribourg Alain de Raemy. Bildquelle: Keystone.
-
Bild 8 von 10. Martin Werlen. Pudess forsa Martin Werlen, l'anteriur avat da Nossadunnaun succeder a Vitus Huonder? Bildquelle: Keystone.
-
Bild 9 von 10. Roland Graf. Plevon Roland Graf è er in num en il carussel da speculaziuns per la successiun da Vitus Huonder. Bildquelle: Keystone.
-
Bild 10 von 10. Mauro Jöhri. Mauro Jöhri, l'anteriur minister dals chaputschins. Bildquelle: Keystone.
RR actualitad 07:00