En las valladas dal sid dal Grischun vala dapi il glindesdi danovamain in scumond absolut da far fieu en il liber. Quai communitgescha il chantun sin sia pagina da l'uffizi per privels da la natira.
Gia il favrer aveva il chantun proclamà il pli aut stgalim da privel per il Mesauc, la Calanca, il Puschlav e la Bregaglia. En quests lieus haja pluvì u navì fitg pauc l'ultim temp. Per ils proxims dis saja plinavant prognostitgà aura sitga ed in ferm vent dal nord. Questa situaziun n'è però betg nova. Ils ultims onns hai adina puspé dà scumonds da far fieu da quest temp. En las ulteriuras regiuns dal chantun è il privel da fieu il mument pitschen u moderà.
audio
Per tadlar: las novitads da las 07:00
ord RTR Audio dals 29.03.2023.
laschar ir. Durada: 5 minutas 43 Secundas.