L'onn 1989 aveva l'Uniun Refugi Grischun da plevon Ernst Sieber cumprà l'anteriura ustaria «Pign Padua» a Cavardiras. Durant plirs onns era il «Pign Padua» ina chasa da reconvalescenza e reintegraziun per persunas cun problems da drogas, alcohol e disturbis psichics. Tranter auter èn abitants da la chasa a Cavardiras stads ad alp, sco che La Quotidiana ha rapportà l'onn 2001. Er Ernst Sieber è stà a la chargiada d'alp ed ha schizunt gidà ad ir cun las chauras.
Il 2004 èn las ovras socialas dad Ernst Sieber vegnidas en grondas miserias finanzialas ed han vendì il «Pign Padua». Sin quai è la chasa stada durant plirs onns ina pensiun ed è oz ina chasa da vacanzas.
RR actualitad 17:40