Legenda:
Las deducziuns per pendularis vegnan limitadas sin 9'000 francs en il Grischun; 3 giadas dapli che quai che la Confederaziun lubescha.
Keystone
cuntegn
Grischun - Regenza vul limitar deducziuns da pendularis
La regenza grischuna vul limitar la deducziun da taglia per pendularis sin 9'000 francs. Enfin ussa pudevan ils custs da viadi vegnir tratg giu senza limita.
Sco quai che la regenza communitgescha, na sa laschia quai betg pli giustifitgar da laschar liber la summa per la deducziun da la taglia senza limita. Il Cussegl grond tracta questa dumonda en la sessiun da l'avust cun la revisiun parziala da la lescha da taglia.
Confederaziun limitescha sin 3'000 francs
A partir da la perioda da taglia 2017 limitescha era la Confederaziun la deducziun da taglia per pendularis. Quai sin maximalmain 3'000 francs.
