Sonda, ils 16 da zercladur ha lieu in triatlon sur la distanza curta che correspunda a la distanza olimpica. Sco ch’ils organisaturs Ernst Bromeis e Sven Riederer han communitgà, è il punct culminant da l’occurrenza a Tavau la cursa a distanza media cun 1,9 km nudar, 50 km ir cun velo e 21,1 currer.
Ideal sco preparaziun per l’Iron Man
Tenor Sven Riederer è il Challenge Davos Festival per ils atlets la preparaziun perfecta per l’Iron Man a Hawai. Sper Davos Nordic e Swissalpine e il triatlon ussa la terza occurrenza da sport da perseveranza internaziunala che Tavau organisescha.
Als gieus olimpics dal 2004 ad Athen ha Sven Riederer gudagnà la medaglia da bronz en il triatlon. Ernst Bromeis era ses trenader cura ch’el era in giuven.
RR actualitad 17:00