-
Bild 1 von 7. Bunamain 150 persunas èn sa participadas a la radunanza da delegads. Bildquelle: RTR, Flurin Clalüna.
-
Bild 2 von 7. Il president da l'Uniun chantunala da musica Andy Kolleger avra la radunanza. Bildquelle: RTR, Flurin Clalüna.
-
Bild 3 von 7. Surpraisas na datti betg:. Las midadas en il reglament da festa ed ils novs chaus en la suprastanza vegnan acceptadas unanimamain. Era tar la runda da discussiun resta la sala quieta. Bildquelle: RTR, Flurin Clalüna.
-
Bild 4 von 7. Simona Castaulta da Val:. Ella è vegnida elegida nov en la suprastanza da l'Uniun chantunala da musica. Sper ella, il president da l'uniun Andy Kolleger. Bildquelle: RTR, Flurin Clalüna.
-
Bild 5 von 7. Simon Bühler:. Nov commember en la cumissiun da musica. Bildquelle: RTR, Flurin Clalüna.
-
Bild 6 von 7. Organisaturs e divertiders:. L'uniun da musica da Claustra-Serneus. Bildquelle: RTR, Flurin Clalüna.
-
Bild 7 von 7. In post d'onur:. Il bandierel chantunal Teofil Manetsch. Bildquelle: RTR, Flurin Clalüna.
- Da nov sustegn il chantun l'uniun chantunala da musica cun 25'000 empè da 15'000 francs ad onn.
- Il reglament da festa è vegnì adattà al standard federal.
- Simona Casaulta remplazza Daniela Vincenza en suprastanza
Simona Casaulta surpiglia la plazza da Daniela Vincenz. Ella era fin ussa la cassiera da l'Uniun chantunala da musica. Vinavant ha Jürg Padrutt dà giu ses post en la suprastanza. El resta dentant vinavant schef da la musica da veterans dal Grischun. Era la cumissiun da musica ha in nov commember: il posaunist e dirigent Simon Bühler.
Novas reglas
Durant la radunanza a Claustra la sonda ha la suprastanza era fatg adattaziuns da reglament da festa. Quai en vista a la festa da musica chantunala 2019 ad Arosa. Las adattaziuns n'èn betg grondas. La suprastanza ha adattà il reglament al standard federal.
Quai vul p. ex. dir che la musica da marsch ha da nov num musica da parada. Er la scala da valitaziun è vegnida adattada: da nov na datti betg pli il predicat excellent, tar ina valitaziun sur 90 puncts datti uss il predicat fitg bun.
Nova musica da giuvenils
Dapi schaner è la «Musica Giuvenila La Plaiv Zernez» commember uffizial da l'uniun da musica. Quella musica datti dapi bunamain dus onns. Ella è sut la direcziun da Reto Lehner.
Dapli daners dal chantun
Vinavant ha il cusseglier guvernativ Martin Jäger tegnì in pled. En quel ha el ditg, che l'Uniun chantunala da musica survegn a partir da quest onn dapli sustegn finanzial. Empè da 15'000 francs survegn l'uniun nov 25'000 francs ad onn, uschia Martin Jäger.
RR Novitads 12:00