In referendum faschess la Cuminanza da las vischnancas concessiunarias dal Grischun (IBK), sch'il parlament naziunal decida da sbassar ils tschains d'aua. Actualmain è quel tar 110 francs per ura kilowatt. La retenziun da 1,5‰ correspunda a 100'000 francs. Vis sur l'entir Grischun è quai bain ina pitschna retenziun, di Not Carl, dentant in mussament che las vischnancas sajan semtgadas per in cumbat.
L'impurtant è: I dovra in segn envers la Bassa che nus manegiain serius. Sch'i va per 60 milliuns stuain nus trair en consideraziun tut, fin ad in referendum.
Per prender in referendum stoppia ina radunanza da delegads extraordinaria decider. Not Carl è persvas d'avair bunas schanzas cun in referendum. La regulaziun actuala dals tschains d'aua scada la fin dal 2019.
RR novitads 18:00
