La fatschenta Gritec a Schiers n'aveva betg pli avunda plazza per realisar ils var 1350 project che las var 100 collavuraturas e collavuraturs fan. Uschia han els fabrica ina halla vitiers, ch'è vegnida preschentada. I è ina halla da 1000 meter quadrat sin dus plauns, sin il tetg èn implants solars.
Els construeschan apparats tecnics pel sectur da mangiativas, per il sectur da medicina e per maschinas. Er soluziuns d’automatisaziun e servetschs tecnics vegnan elavurads.
![Gritec AG in Grüsch, ein Teil des Technologiestandorts graubünden](https://www.rtr.ch/static/cms/images/960w/df88d56.jpg)
Quai èn sistems che lavuran 7 dis 24 uras, che han en sistems da roboter, sensorica e blera software.
In exempel d’in apparat è uschè in indriz che dat or automatic dischinfectant cura ch’ins metta sutvart il man.
![Georg Gujan è president dal cussegl d'administraziun e maina ina part da la producziun](https://www.rtr.ch/static/cms/images/960w/f21a33e.jpg)
Ils products ch’els construeschan èn fitg divers, dentant san els betg mussar quests cun quai che vegnan fatgs per lur clients e clientas e la secretezza vegn scritta auta.
30 collavuraturs e collavuraturas en pli
Per ch’i sa er vegnir lavurà en la nova part da la Gritec, dovran els 30 collavuraturs e collavuraturas dapli: Automatichers, tecnicras ed inschigners, pia persunal spezialisà. Tenor il president dal cussegl d’administraziun Georg Gujan èn els sin buna via da recrutar quest persunal. Cun quai che la Gritec è dapli onns e tut l’onn activ a tschertgar nov persunal.
Bun persunal è adina tschertgà.
Ils collavuraturs e las collavuraturas èn dal chantun, da chantuns vischins ed era da pajais vischinads ed intgins spezialists èn internaziunals.