Siglir tar il cuntegn
Inhalt

Grischun Gronds donns en ils guauds grischuns

Ils stemprads «Burglind» e «Vaia» han chaschunà en il Grischun ils pli gronds donns en ils guauds dapi 24 onns. Quai scriva la regenza grischuna.

Marco Vanoni dal uffizi per guaud e privels da natira dil grischun.
Legenda: Tenor Marco Vanoni da l'Uffizi per guaud e privels da natira dal Grischun sajan ils donns anc en la norma. RTR, Anna Selina Quinter

Ils donns na cuntanschan dentant per bler betg las dimensiuns da l'orcan Vivian dal favrer 1990.

En total ha il Grischun nudà quest onn 130'000 meters cubic laina donnegiada. Cunzunt haja dà donns en la Val d'Alvra, l'Engiadin'Ota ed en la Val Puschlav. L'orcan Vivian aveva chaschunà donns da radund 670'000 meters cubic.

Oravant tut il pign, pli impurtanta spezia da plantas en il Grischun, è suttapost a la sragischada perquai che ses ragischs na van betg fitg profund en terra.

RR Novitads 11:00