La radunanza communala da Grüsch ha approvà in credit da 980’000 francs per renovar la staziun da Grüsch. Plinavant ha ella reelegì Marcel Conzett-Roffler sco president communal. Ed era la suprastanza è vegnida confermada en ses uffizi. Da nov en la suprastanza è Christian Mathis-Mayer. Uschia scriva l'administraziun da la vischnanca en in rapport.
Plinavant han ils da Grüsch approvà il budget per il 2023. Quel prevesa in surpli d’entradas da bundant 320’000 francs. Quai tar expensas da var 11,7 milliuns francs ed entradas da var 12 milliuns francs. Il pe da taglia resta tar 90% da la taglia chantunala simpla.
audio
Per tadlar: las novitads da las 08:00
ord RTR Audio dals 26.11.2022.
laschar ir. Durada: 5 minutas 36 Secundas.
