La polizia chantunala dal Grischun surpiglia en l'avegnir tut las incumbensas da la polizia communala da Grüsch e Luzein. Latiers tutgan ils secturs da la segirezza publica, il traffic sco er l'administraziun. La regenza grischuna ha approvà la cunvegna tranter la Polizia chantunala e las duas vischnancas. Cun surdar las incumbensas a la Polizia chantunala fetschian Grüsch e Luzein in pass progressiv, hai num en la communicaziun.
Las vischnancas èn da principi responsablas per la segirezza publica sin lur territori. Era tar lur responsabladad tutga da guardar per exempel che la lescha da rument u scumonds da fimar vegnan respectads. Questas incumbensas pon las vischnancas surdar en furma d'in contract a la Polizia chantunala.
Lavurs sco il servetsch da novitads e servetsch secret, u era mesiras repressivas, èn tenor la lescha sulettamain en la cumpetenza da la Polizia chantunala.
