La firma Trumpf a Grüsch introducescha bainprest lavur curta per 350 collavuraturs e collavuraturas. Quai è var la mesadad da tut il persunal. Cun l'instrument da la lavur curta veglian ins segirar las plazzas da lavur a Grüsch a lunga vista.
La lavur curta vegnia annunziada tar il chantun Grischun per ils mais favrer, mars ed avrigl dal 2024, scrivan las gasettas da Somedia. Sco raschun haja la firma inditgà d'avair retschavì var in terz damain incumbensas, cumpareglià cun l'onn avant.
Trumpf Grüsch è part d'in concern internaziunal cun total passa 18’000 emploiads ed emploiadas.