Siglir tar il cuntegn

Header

video
Project da bajegiar persistent a Grüsch
Or da Telesguard dals 01.12.2023.
laschar ir. Durada: 3 minutas 20 Secundas.
cuntegn

Grüsch Project da bajegiar persistent

A Grüsch survegn l'anteriur mulin nova vita. Uschia vegn l'anteriur silo spazzà ed i dat ina nova tur al medem lieu. Quella è 30 meters auta e vegn a porscher sin 11 etaschas plaz per 37 abitaziuns, sco l'interpresa Gutgrün, ch'è responsabla per il project communitgescha. Il bajetg central da l'anteriur mulin vegn salvà e renovà. Là datti 15 appartament-loft.

Spezial vi da l'entir project saja, uschia Gutgrün, che betg mo la sanaziun ed il bajetg nov vegnian fatg a moda persistenta – mabain era la destrucziun dal silo vegl. Uschia vegnian las materialias dal silo puspè duvradas, il material per la nova tur duai avair in'influenza uschè pitschna sin l'ecologia sco pussaivel. Plinavant survegn la tur panels da solar. Ed ins veglia era porscher abitaziuns pitschnas, che vegnian duvradas en la regiun.

Oravant tut entras las grondas interpresas da la branscha da la construcziun da maschinas haja dà bleras novas plazzas da lavur. Entras quai saja la populaziun era creschida per 200%. Las abitaziuns duain star a disposiziun a partir da la primavaira 2026.

RTR Telesguard 17:40

Artitgels legids il pli savens