Ils donns da selvaschina en il guaud èn s'augmentads marcantamain ils ultims onns. Quai mussa il rapport da guaud e selvaschina ch'il chantun ha preschentà gievgia a la publicitad.
Actualmain saja l'influenza da la selvaschina uschè auta, ch'ina regiuvinaziun natirala dal guauld na saja betg pli segirada e la funcziun dal guaud saja limitada fermamain. En la regiun Val dal Rain, Scanvetg-Tumleastga, Muntogna-Stussavgia è radund 52% da la surfatscha dal guaud pertutgà. Cumpareglià cun l'ultim rapport dal guaud dal 2007 è quai dapli ch'il dubel
Mesiras da protecziun
Tut tenor lieu sa differenzieschian quellas mesiras in zic ina da l'autra. Da princip vul il chantun dentant meglierar la situaziun cun cumbinar mesiras forestalas, mesiras da chatscha e quellas ch'influenzeschan il spazi da viver. Uschia vul el per exempel far dapli saivs da protecziun, tegnair vinavant aut il dumber da tschiervs che duain vegnir sajettads mintg'onn u er evitar ils disturbis dal carstgaun curt avant u durant la chatscha.
