Siglir tar il cuntegn

Header

Marcel Skibba, Andreas Caminada e Silvio Germann
Legenda: Andreas Caminada amez cun ils dus cuschiniers Marcel Skibba e Silvio Germann da ses restaurants IGNIV a San Murezzan e Bad Ragaz. Guide Michelin
cuntegn

Guide Michelin Andreas Caminada survegn «Chef Mentor Award»

Sia rolla sco scolader e sviluppader da concepts gastronomics haja manà ad in resultat «extraordinari», scriva Guide Michelin en sia communicaziun.

Onurads èn era vegnids ils dus restaurants IGNIV dad Andreas Caminada a Bad Ragaz e San Murezzan. Els han survegnì mintgamai duas stailas. Era duas stailas hai dà per «Da Vittorio» a San Murezzan.

Da nov en la categoria dad ina staila èn 12 restaurants, tranter quels la «Chesa Stüva Colani» a Madulain e «Sens» a Tavau.

Naginas midadas en la topliga

En la topliga dals restaurants cun trais stailas percunter n’hai dà naginas midadas. Andreas Caminada cun ses «Schauenstein» a Farschno, Peter Knogl cun «Cheval Blanc, Grand Hotel Les Trois Rois» a Basilea e Franck Giovannini cun «Hôtel de Ville» a Crissier restan ils unics 3 cuschiniers cun la pli auta nota da Michelin.

Restaurants grischuns e lur stailas

Trais stailas:
«Chastè Schauenstein», Farschno

Duas stailas:
«7132 Silver», Val
«Igniv by Andreas Caminada», San Murezzan
«Da Vitorio», San Murezzan
«Ecco St. Moritz», Champfèr

Ina staila:
«La Riva», Lai
«La Vetta», Arosa
«Guarda Val», Lai
«Sens 1605», Tavau
«Glow by Armin Amrein», Tavau
«Chesa Stüva Colani», Madulain
«Vivanda», Brail
«The K by Tim Raue», Tavau
«Talvo by Dalsass», Champfèr
«Cà d’Oro», San Murezzan
«La Miranda Gourmet Stübli», Samignun

5 criteris per valitar

Il Guide Michelin sa basa sin tschintg criteris per sia valitaziun. El valitescha la qualitad dals products, la tecnica da cuschinar, l’armonia dals aromas e la creativitad dal schef da cuschina sco era la constanza.

RTR novitads 21:00

Artitgels legids il pli savens

Scrollar a sanestra Scrollar a dretga